Нататкі аб RL78: Прывітанне свет, альбо запальванне святлодыёда

Традыцыйна, вывучэнне новай мовы праграмавання пачынаецца з напісання самай простай праграмы, якая толькі і робіць, што друкуе прывітанне свету. Гэтак абстаяць справы на вялікіх кампутарах. На маленькіх жа ў нас няма дапаможнікаў у выглядзе АС і нам прыйдзецца рабіць усё самім. І сярод гэтага "усяго", вывад прывітання ня самая простая справа. Таму, для маленькіх кампутараў (мікрокантролераў) уводная праграмай з'яўляецца запальванне альбо мірганне святлодыёдам.

Нататкі аб RL78: Падрыхтоўка

Для напісання і адладкі прашывак нам спатрэбіцца: тэкставы рэдактар, кампілятар, загрузчык, плата з МК і пераўтваральнік USB-UART са схемай падключэння да платы.

Нататкі аб RL78: Уводзіны

Пад гэтай назвай буду збіраць нататкі аб мікракантролерах Renesas RL78.

Для распрацоўкі прашывак буду выкарыстоўваць кампілятар GCC (дакладней GNURL78 ад KPITGNUTools). Распрацоўка будзе праходзіць пад АС GNU/Linux пры дапамозе make, rl78flash і, мабыць, яшчэ некаторых, якія прысутнічаюць ва ўсіх дыстрыбуцыях GNU/Linux.

Усе прыклады будуць для чыпа R5F104FEAFP. У ім ёсць шмат перыферыі, якую можна выкарыстоўваць, каб аблегчыць справы для ядра мікракантролера. Ня гледзячы на мой выбар чыпа, большасць прыкладаў будуць працаваць і на іншых прадстаўніках сямейства RL78, але з малымі папраўкамі на выкарыстаныя вывады корпуса, хуткасць працы і інш.

Гэтыя мікракантролеры арыентаваны на малое спажыванне току. Таму, акрамя прыкладаў коду, час ад часу, будуць замеры току.

Нажаль, адладчыка не існуе, які бы працаваў на кампутары с АС GNU/Linux. Замест яго будзем карыстацца модулем UART, па якім будзем вывадзіць прамежкавую інфармацыю.

Спадзяюся тлумачэнні будуць простымі :)

Замова плат складанай формы ў SeeedStudio

SeeedStudio прапануе сэрвіс па вытворчасці плат памеры якіх кратны 5 см (у даўжыню і шырыню). Напрыклад, калі вам патрэбна плата 2х13 см прыйдзецца замаўляць па тарыфу для 5х15 см. Абмежаванняў на форму плат у дадзеных памерах няма. Форму платы трэба маляваць у слоі які, у выніку, трапіць у gerber файл з пашырэннем gm1 (альбо слой мае імя 'outline', калі вы выкарыстоўваеце gEDA PCB).

Як гэта выглядае ў тэорыі:

Акрамя формы, у гэтым жа слоі можна маляваць адтуліны (таксама прысутнічаюць на малюнку ў левай верхняй частцы платы). Адтуліны будуць без металізацыі.

Як гэта выглядае ў жыцці: