Стварэнне выяў для чорна-белых графічных жыдка-крысталічных індыкатараў у GIMP

Пры працы з графічнымі ЖКІ найбольш складаным (маё меркаванне) з'яўляецца стварэнне малюнкаў (а таксама і шрыфтоў) у прыгодным для індыкатара фармаце.

Існуе шмат спецыяльных праграм, каб пераўтварыць выяву ў зыходны код. Адна з іх LCD Image Converter, напрыклад.

Нашчасце, гэта праблема існуе доўгі час і была вырашана радыкальным спосабам. Навошта пераўтвараць малюнкі ў зыходны код? Лепей захоўваць малюнкі адразу ў форме зыходнага коду. Для гэтай мэты быў створаны фармат XBM (X BitMap), а таксама некаторыя іншыя, аднак XBM нас цікавіць зараз болей за іншыя.

Разгледзім паслядоўнасць дзеяў у GIMP каб стварыць малюнак для ЖКІ Sharp LS013B4DN04, прадстаўніка сямейства Sharp Memory LCD з малым спажываннем току.

1. Стварыць малюнак патрэбнага памеру:

Нам патрэбен памер 96 на 96 піксэляў, белы колер асновы (Fill with: White) і чорна-белая палітра (Color space: Grayscale).

2. Выбраць самую маленькую кісць і намаляваць што-небудзь (можна карыстацца усёй моцай графічнага рэдактара)

Калі патрэбна дапаможная сетка, уключыць яе можна ў мяню View -> Show Grid

3. Калі ў ходзе малявання ў вас з'явіліся іншыя колеры, акрамя чорнага і белага, трэба іх ператварыць у чорны ці белы. Гэта проста зрабіць пры дапамозе змены рэжыму Image -> Mode -> Indexed...

Патрэбна аднабітная палітра (black and white (1-bit) palette). Ёсць некалькі алгарытмаў пераўтварэння (Color dithering), паспрабуйце розныя і вызначце той, што спадабаецца вам больш за ўсё.

4. Далей захоўваем малюнак у фармаце XBM

5. Пры экспарце увядзіце імя масіва ў якім будзе малюнак (Identifier prefix)

6. Карыстацца :-) Канчатковы файл уяўляе з сабе зыходны код на мове праграмавання Сі. Ён змяшчае два макраса с памерамі малюнка, а таксама масіў, у якім кожны байт адпавядае 8 кропкам у радку.

#define lcd_gimp_width 96
#define lcd_gimp_height 96
static unsigned char lcd_gimp_bits[] = {
   0x00, 0x00, 0x00, 0x00, 0x00, 0x00, 0x00, 0x00, 0x00, 0x00, 0x00, 0x00,
   ...
   0x00, 0x00, 0x00, 0x00, 0x00, 0x00, 0x00, 0x00, 0x00, 0x00, 0x00, 0x00 };

Такім чынам, для малюнка 96 на 96, радок складаецца з 12 байтаў, далей ідуць байты наступнага радка. Гэта значыць, што байты з 0 па 11 дапавядаюць першаму радку на экране індыкатара, з 12 па 23 другому і гэтак далей.

Што атрымалася ў выніку можна пабачыць у пачатку артыкула.